韓式粉絲

去親韓國餐廳食野差不多必食項目之一，好味程度直逼KIMCHI，當然部隊火鍋、石頭飯、泡麪都不容忽視，韓國菜既位置經常同日本菜交戰，你話我港女都係咁話架啦，咩姐，係好食啊嘛。

材料︰
‧韓國粉絲……1大束 (我這次是用大拇指和中指圈起為之一束)
‧菠菜……半斤 (可改用其他菜)
‧紅蘿蔔……1小截
‧冬菇……5粒
‧洋蔥……1/4個
‧蛋黃……1個
‧白蘑菇……4粒 (可不加)
‧大蔥……1條 (可不加)
‧牛肉……適量 (我唔食牛就無加)
‧麻油……適量
‧豉油……適量
‧黑椒……適量
‧黃糖……適量
‧蒜頭……適量

做法︰

1. 先把冬菇切絲，牛肉切小片，置於大碗內，用1茶匙黃糖、2茶匙豉油、1茶匙麻油及1小粒已切碎的蒜頭醃好，放入雪櫃備用。
2. 把蛋黃打發，平底鑊落少許油，用廚房紙把油均勻地塗抹在鑊上，開大火燒熱鑊後熄火，落蛋黃漿，把兩面用餘溫略煎製成蛋餅後，待涼，捲起切絲備用。
3. 洗淨菠菜，置於滾水內1分鐘 (滾水不用倒掉，可用作滾粉絲)，再用冷水略沖，把菜搾乾水份，略切碎，再加1茶匙豉油、1茶匙麻油撈勻備用。
4. 粉絲置於滾水至熟透 (約2至3分鐘)，瀝乾水份，略剪開，加入1茶匙麻油、1茶匙豉油、1茶匙黃糖撈混備用。
5.  平底鑊落適量油，下洋蔥炒1分鐘，再加入大蔥略炒，加少許鹽再炒至軟身兜起備用。
6.  平底鑊落適量油，下白蘑菇略炒，再加少許鹽炒至熟透兜起備用。
7.  平底鑊落適量油，下紅蘿蔔略炒，再加少許鹽炒至熟透兜起備用。
8. 最後把牛肉及冬菇炒熟備用。
9. 把所有材料置於一大碗內，加入1小粒已切碎的蒜頭、1茶匙豉油、1茶匙黃糖、1茶匙麻油、適量黑椒用手把所有材料撈勻，上碟即可食用。

 比個LIKE我LIKE你︰
 https://www.facebook.com/chengtszyingcooking

呢個食譜黎自︰

https://www.youtube.com/watch?v=i1djfV9uigc

黑糖薑味朱古力包

本來唔加可可粉個包就好地地，衰在我心急唔等可可粉就發酵好個麪糰之後先加番可可粉再搓就出事。賣相差左同人地原本整個個差一截但一D都唔影響佢既味道，熱辣辣出爐入面D朱古力粒融係個口到真係正到無倫。所以話，食物個賣相好固然加分，但樣衰，都唔代表唔好食啊老闆！當然，下次再整，就要係賣相上有所進步啦。

材料︰

‧高筋麪粉……250g

‧無糖可可粉……10g

‧乾酵母……3g

‧黑糖……30g

‧幼鹽……3g

‧鮮奶……110g (我又擅自用左薑汁奶因為薑同黑糖個味都夾，如果想薑味再勁D可以直頭用落少5g奶再加番5g薑汁)

‧溫水……70g

‧無鹽牛油……15g

‧朱古力粒……適量

做法︰

1. 將乾酵母加入暖水中拌勻，放置10分鐘。 
2. 將麪糰其他材料 (除牛油外) 置入大碗內，加入酵母水搓勻至起筋 (拉開有薄膜)，推圓麪糰搓至光滑，再加入牛油搓至有薄膜收口向下，置於溫暖處 (約26至32度)發酵45分鐘。
3. 輕壓麪糰排出空氣，讓麪糰鬆弛15至20分鐘。
4. 把麪糰分為8份，捍成長橢圓形，加上朱古力粒，如包餃子一樣包好，收口捏緊，把麪糰做成弧形，用剪刀於向外彎的一邊剪幾個缺口，將麪糰排在已鋪牛油紙的焗盤上進行最後發酵 (置於溫暖處將約20至30分鐘)。 
5. 待麪糰發酵至兩倍大，在麪糰上放入已預熱至180度的焗爐焗15分鐘即成。

 比個LIKE我LIKE你︰
 https://www.facebook.com/chengtszyingcooking

呢個食譜黎自︰
http://allie0054.blogspot.hk/2014/10/blog-post_12.html