士多啤梨蛋白脆餅

蛋白餅英文名係pavlova，是個以俄羅斯芭蕾舞蹈員Anna Pavlova命名的甜點，原食譜係用double份量焗個8吋左右既蛋白脆餅蛋糕，我就將佢份量調一下再整左6個迷你士多啤梨蛋白脆餅，造型之後令我想起一個中學同學好經典既火焰雪山頭哈哈。由於唔想食太肥太heavy，所以就無加cream直接加士多啤梨同糖霜係餅面裝飾，咁就balance番餅底既甜度啦。

材料︰
(餅身)
‧蛋白……2隻半
‧細砂糖……70g
‧白醋……1/2茶匙
‧粟粉……1/4茶匙
‧雲呢嗱香油……2滴(可不加)

(裝飾)
‧士多啤梨……適量(可用其他水果代替)

(忌廉)
‧淡忌廉……90mL
‧雲呢嗱香油……1/2茶匙
‧細砂糖……5g

做法︰

1. 將蛋白以電動打蛋器打至起泡，分3次加入砂糖並打發至企身，倒轉亦不會掉下，再輕手加入白醋及粟粉以摺入的方式拌勻。
2. 打發蛋白混合物後放入唧袋，在已畫圓形的牛油紙或有圓邊的矽膠模上先唧出圓形餅底，再於邊緣圍邊唧花。
3. 焗爐預熱至130度，入爐焗1小時15分鐘。
4. 打開少許焗爐待蛋白餅放涼。
5. 於餅面加上士多啤梨，並灑上少許糖霜即成。(想食得健康D所以唔加CREAM，如果想加就用淡忌廉以打電動打蛋器以高速打至至軟身，再加入雲呢嗱香油及糖打至硬身，再放入雪櫃雪凍即可加入蛋白餅中)

比個LIKE我LIKE你︰
https://www.facebook.com/chengtszyingcooking

呢個食譜黎自︰

http://tonynkaren.blogspot.hk/2010/07/pavlova_1576.html

薑餅

沉迷在冬季氣氛，看白晝煙囪升起一片雲，看着繁星鋪滿冬青樹身，可聽到遠方樂韻。轉瞬又到了這個普天同慶的節日。節日於我其實沒太多感覺，不過就是多一個藉口跟所有的友好見見面聚聚首碰碰頭。忽發奇想做了這個薑餅人為所有我喜歡的人送上那麼一點祝福，希望你們吃到一口甜蜜之餘，也有一個快樂的聖誕。

材料︰
‧無鹽牛油……60g
‧黃糖或紅糖……75g
‧雞蛋……1隻
‧蜂蜜……170g
‧低筋麪粉……460g
‧薑粉……10g
‧玉桂粉……8g
‧泡打粉……7g

做法︰

1. 無鹽牛油放室溫回軟，加入黃糖拌勻。
2. 拌勻後加入雞蛋及蜂蜜拌成糊狀。
3. 取另一隻大碗，低筋麪粉過篩2次，加入薑粉、玉桂粉及泡打粉拌勻。
4. 粉類分3至4次加入糊狀物內搓成麪糰。
5. 將麪糰擱置15分鐘。
6. 麪粉棍沾上少許麪粉，把麪糰置於牛油紙上，用麪粉棍壓至0.5cm厚。
7. 用曲奇模壓出形狀至所有麪糰用完。
8. 焗爐預熱至130度，薑餅入爐焗10至15分鐘，取出放涼後可加上裝飾。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/christmas-gingerbread-man/

迷你薑汁鮮奶麪包

薑能驅風，呢個麪包係因為係寒風之中散步既時間諗︰如果呢個時候可以飲包薑汁奶就好，之但係奶飲完又唔飽肚，如果可以用黎整麪包就最好，於是就整左呢個包。由於本人又好食得辣，亦好鍾意薑既辣味，所以再額外加多左啲薑汁，出到黎其實又唔係好辣，但一打開個焗爐就聞到香噴噴既薑味真係心都暖埋！

材料︰
(麪糰)
‧高筋麪粉……125g
‧無鹽牛油……10g
‧砂糖……7g
‧薑汁鮮奶……80mL
‧幼鹽……2g
‧乾酵母……2g
‧薑汁……適量 (可不加)

‧蜜糖水……適量 (掃面用)

做法︰

1. 將乾酵母加入已溫熱的薑汁鮮奶 (微波爐加熱30秒) 中拌勻，放置10分鐘。
2. 將麪糰其他材料置入大碗內，加入酵母鮮奶搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將麪糰拍摺成長形，讓麪糰鬆弛15至20分鐘。
4. 將麪糰平均分成8份長條形，在每條麪糰中央切一刀 (不要切斷至頭或尾)，將麪糰向頭往左、尾往右扭成紐紋狀及打圈盤起成花卷。
5. 將花卷排放在已鋪牛油紙的焗盤上進行最後發酵 (置於溫暖處將約20至30分鐘)。
6. 待麪糰發酵至2倍大，輕手掃上蜜糖水，放入已預熱至180度的焗爐，用180度焗15分鐘至金黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
學左麪糰做法自己撞出來，哈。

心太軟

人地個食譜本來話100%成功，但我就用左個太細既模具搞到唔夠流心。當然其實都做到「心太軟」既效果，因為佢個心入面真係好軟好軟，下次再整，要用岩模具，就真真正正做到流心心太軟啦。

 

 

材料︰

‧黑朱古力……50g (我這次用了85%的黑朱古力，原食譜用70%的)

‧無鹽牛油……40g

‧低筋麪粉……40g

‧雞蛋……1隻

‧細砂糖……20g

 

做法︰

1. 在模具內塗上一層薄薄的無鹽牛油 (此份量可填滿80mL的模具1至2個)，焗爐預熱至180度。
2. 將無鹽牛油及朱古力置於碗內，隔熱水座溶成朱古力糊。
3. 在另一大碗內倒入雞蛋及砂糖，用電動打蛋器打發至有牽絲的狀況，SIZE應比開始時發大約3倍。
4. 將朱古力糊分數次倒入蛋糊內，用手拿式打蛋器拌勻。
5. 將低筋麪粉篩入朱古力蛋糊內拌勻。
6. 將朱古力麪糊倒入模具內，放入已預熱的焗爐內焗8至9分鐘即成。(如用陶瓷製模具則焗11至12分鐘)

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://blog.yahoo.com/_NNP5ALLSYM7MZFBPT3V4XMJYJA/articles/1269056

德國咸豬手

從小到大對豬手都沒有很大的興趣，然而年紀愈來愈大，需要的骨膠原愈來愈多，所以豬手還是有一搭沒一搭吃。試做這個是因為妹常常想吃，預備的過程較麻煩，第一次整，皮有點過韌，但肉還是好吃的，下一次有機會再整，或許試試小的豬手會好一些。

材料︰
‧急凍咸豬手……1隻
‧德國麥啤……1罐 (330毫升)
‧乾月桂葉……5片
‧白胡椒粒……10粒
‧白醋……2湯匙

做法︰

1. 急凍咸豬手解凍，放入一鍋滾水 (水要蓋過豬手)，加入乾月桂葉、白胡椒粒及白醋用中火煮45分鐘。
2. 豬手取出後用廚房紙印乾，用叉子在表皮刺出小孔，再用廚房紙印乾，在通風處風乾15分鐘。
3. 焗爐預熱至220度。
4. 豬手放入膠袋中，倒入適量的麥啤覆蓋豬手表皮，浸15分鐘，期間反轉另一面一次，並預留小量麥啤作掃面用。
5. 將豬手放在烤架上，放入已預熱的焗爐烤40至45分鐘至外皮香脆。 (途中約15分鐘時取出一次掃一層麥啤再放回焗爐)
6. 豬手手焗完後取出切件即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/german-pork-knuckle/

鬆餅

由於muffin同scone既中文名太似，我成日都以為呢兩樣係同一樣野來的。記得那次在台東第一次吃到由民宿職員自家焗製的鬆餅實在驚為天人，那外脆內軟的質感、熱哄哄的溫度，無論是配果醬抑或雪糕都係一流。吃着這個自家製的，實在不得不懷念，那時與友人坐於半山上對着一望無際的太平洋，吃着一個鬆餅，歎住一口熱茶的那份閒適與寧靜。

 

 

材料︰

‧自發粉……250g

‧泡打粉……1茶匙

‧幼鹽……1/2茶匙

‧砂糖……2湯匙

‧無鹽牛油……60g(冷藏)

‧白脫牛奶(buttermilk)……175mL (如找不到可以用1湯匙檸檬汁或白醋加200mL的牛奶拌勻，擱置5分鐘成自製白脫牛奶代替)

 

做法︰

1. 焗爐預熱至220度。
2. 自發粉、泡打粉及幼鹽過篩，加入砂糖拌勻。
3. 冷藏的無鹽牛油切碎，放入粉類中，用手指將牛油與粉類混合，弄碎成麪包糠狀。(留意不要令牛油溶化)
4. 將大半杯白脫牛奶倒入粉類中拌勻。(如有需要可逐少加入餘下的白脫牛奶至合適的濕潤度)
5. 用膠刮拌勻，後將麪糰移至已鋪麪粉的工作枱上，手上拍些麪粉，將麪糰輕按至1 1/2吋厚，用已拍麪粉的7cm圓形曲奇餅模切出鬆餅，重覆步驟至完成整個麪糰。
6. 麪糰放在已鋪牛油紙的焗盤上，放入焗爐焗15分鐘，取出後放涼10分鐘即可。

比個LIKE我LIKE你︰

https://www.facebook.com/chengtszyingcooking

呢個食譜黎自︰

http://sweetheartkitchen.com/recipes/scone/





特濃黑朱古力娒明蛋糕

食朱古力會令人開心快樂，dark chocolate更是本人的favour貪其唔甜又醒神。為了替朋友慶生就膽粗粗整呢個特濃黑朱古力蛋糕，第一次用係旅行時買既Moomin蛋糕模，出爐個下朱古力香盈滿一室，最怕係甩唔到個模，放涼之後倒出來，成個娒明出左黎，開心到飛起，Moomin Moomin肥嘟嘟再配埋濃味朱古力，偷偷地切左少少試試味，好味到呢，色香味俱全咪就係你囉。

材料︰
‧無鹽牛油……85g
‧砂糖……80g
‧雞蛋……85g (約2隻)
‧幼鹽……1g
‧低筋麪粉……70g
‧無糖可可粉……15g
‧60%以上朱古力……50g (是次用了90%的)

做法︰

1. 無鹽牛油以室溫解凍。
2. 朱古力切成約1cm的細粒。
3. 將牛油及糖以攪拌器 (非電動)打起至變白，將雞蛋分次加入打勻。
4. 慢慢加入已過篩的麪粉、可可粉及幼鹽拌勻，加入朱古力粒。
5. 將蛋糕漿倒入已掃牛油的模中。
6. 焗爐預熱至175度，放入焗爐焗約30分鐘，以牙籤插入蛋糕入，拔出見牙籤乾淨即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://blog.yahoo.com/_G6PX2RIM6WVS7JP445BMVALNYI/articles/1187494

蘋果批

本來並不特別喜好Crumble Pie，因着旅行時吃過的Blueberry Crumble太美味而好想試整。適逢朋友去上堂激讚呢個Apple Crumble Pie好得，就柴娃娃跟住去學。步驟其實唔算好多，加上有猛人又不吝分享心得既師傅磅住真係幾容易整，最開心係出爐個下一室蘋果玉桂香，焗野食就有呢個樂趣，每次當食物出爐時都有種作品正式面世感。下次可以試下整Pear Crumble Pie，唔知又會係咩味道呢。

材料︰
(甜皮)
‧無鹽牛油……70g
‧糖粉 (icing sugar)……30g
‧低筋麪粉……120g
‧粟粉……15g
‧蛋……1/2隻 (發勻成蛋液)

(Crumble Topping)
‧低筋麪粉……45g
‧杏仁粉……40g
‧砂糖……40g
‧無鹽牛油……35g

(餡料)
‧青蘋果……3個
‧砂糖……40g
‧玉桂粉……2g
‧無鹽牛油……50g (溶成液體狀)
‧麪包糠……50g (可用蛋糕碎代替)
‧檸檬汁及檸檬皮……1/2茶匙

‧掃面用蛋漿……適量
‧現成酥皮……1/3份 (包裝)

做法︰

1. 將甜皮份量中的牛油及糖粉用手混合至軟身，加入蛋漿拌勻，再加入低筋麪粉及粟粉搓成不黏手的粉糰，放入冰箱冰格雪5至10分鐘。
2. 將Crumble Topping份量中的牛油及砂糖用手混合至軟身，加入杏仁粉及低筋麪粉，用手搓成碎粒狀待用。
3. 取出甜皮，用麪粉棍擀成3mm厚，放入批模內 (8吋)，壓實批邊及切去多餘的部分，再放入冰箱雪5至10分鐘。
4. 蘋果去皮切片，加入餡料中的所有材料混合。
5. 取出批底，將餡料倒入批中壓實，灑上Crumble Topping。
6. 現成酥皮用麪粉棍擀開，用網狀碌碌出網紋，於批邊輕手掃上蛋液並鋪上網狀酥皮，再掃上蛋液。(如果唔整酥皮面可以skip左呢個step)
7. 焗爐預熱至200度，批入爐焗45分鐘至表面金黃即成。(焗約15分鐘後可拿出蘋果批再多掃一次蛋液確保整個批都金黃，如有上下火的焗爐可於表面焗至金黃後關掉上火，下火開至最大以確保批底熟透)

比個LIKE我LIKE你︰
https://www.facebook.com/chengtszyingcooking

呢個食譜黎自︰
我出去上堂學架。哈。

光酥餅

從前很喜歡吃光酥餅，食完之後狂灌水就會覺得好飽足。光酥餅其實無咩特別，好多人仲會覺得佢乾爭爭無味道，但有時人就係對某些食物有那麼一點特別的情意結，又或者係某種味道所附帶的一些回憶。我呢，每次食光酥餅，就會想起中學時代那些冬日的早晨，吃着一個光酥餅準備上學前的閒適。

材料︰

‧中筋麪粉……150g

‧雞蛋……1/4隻

‧砂糖……85g

‧無鹽牛油……20g

‧食用臭粉……1g

‧泡打粉……1g

‧自發粉……2g

‧雲呢拿香油……2滴

‧清水……1/4杯

 

做法︰

1. 焗爐預熱至180度。
2. 牛油以熱水座溶。
3. 將所有材料拌勻，搓時不時加入麪粉至不黏手 (由於原食譜有加奶粉，所以以上的份量會較黏，故需要多加麪粉)，搓成光滑粉糰。
4. 把麪糰分成小圓餅狀，放入已預熱的焗爐，以180度焗15分鐘即成。

比個LIKE我LIKE你︰

https://www.facebook.com/chengtszyingcooking

呢個食譜黎自︰
http://i-cook.appspot.com/recipe?id=36

 

迷你我瑪德蓮蛋糕

旅遊期間巧見瑪德蓮蛋糕的迷你版矽膠模，想也不想就買下了，回港一直想用一直想試，整到一個個貝殼形的瑪德蓮小蛋糕，底部仲成功焗起一個個小肚臍，係一個涼涼地既下午歎住熱茶一個接一個送入口，都咪話唔清新可喜。

材料︰‧低筋粉……100g
‧泡打粉……1/2茶匙
‧鹽……1/4茶匙
‧雞蛋……2隻
‧雲呢拿香精……1/4茶匙
‧檸檬皮蓉……1個(只磨出黃色部分)
‧砂糖……70克
‧無鹽牛油……80克 (再用少許掃焗盤用) (牛油放室溫回軟)

做法︰

1. 在焗盤上掃少許牛油，灑上低筋粉並搖去多餘的麪粉，放入雪櫃備用。(如果用矽膠模就唔洗做呢個step)
2. 把低筋麪粉、泡打粉及鹽過篩拌勻備用。
3. 打發雞蛋至起泡，加入雲呢拿香精及檸檬皮蓉拌勻。
4. 以電動打蛋器高速打發雞蛋，分3次加入砂糖，打發至蓬鬆及拿起攪拌器可以蛋液拉出紋理 (約打發5分鐘)
5. 分3次加入已過篩的麪粉混合物，輕手拌勻，見沒粉粒即可停止攪拌。
6. 拿出小部分麪糊混合融解的牛油，再把牛油混合物加回麪糊，輕手拌勻，用保鮮紙封好，放入雪櫃冷藏最小1小時。
7. 預熱焗爐至180度。
8. 拿出麪糊「畢」入焗模內，約滿至3/4，放入焗爐焗9分鐘至邊緣轉金黃，用手按壓中央有回彈感或以牙籤插入底部突起的「小肚臍」抽出後乾淨即成，脫模後放涼即可食用。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://www.christinesrecipes.com/2013/05/madeleins.html?m=1

銀絲卷

放工番屋企突然好想整野食，諗諗下不如試下整千絲萬縷銀絲卷比自己做早餐。要做到入面一絲絲原來都唔易，第一次整切得太粗所以唔係太明顯見到一絲絲，但切開個下見到入面分到一條條依然係巧開心的。記住切幼少少，下次自不然真係可以整到千絲萬縷銀絲卷。

材料︰
(麪糰)
‧水……65g
‧乾酵母……2g
‧低筋粉……63g
‧高筋粉……63g
‧糖……6g
‧油……2g

‧油……適量 (掃麪條用)

做法︰

1. 將乾酵母加入溫水中拌勻，放置10分鐘。
2. 將麪糰其他材料置入大碗內，加入酵母水搓勻至光滑後不黏手 (約5分鐘)，推圓麪糰，收口向下，鬆弛5分鐘。
3. 於枱上灑上麪粉，麪糰取出用麪粉棍擀成長方形，摺3摺再擀成長方形。
4. 將一半的麪糰切絲  (愈幼愈好)，在麪條上均勻地掃油令它們不會黏埋條留一絲絲。
5. 將另一半的麪糰分成2份，碌平後放上麪條並捲起。
6. 碟上鋪牛油紙，將銀絲卷置於溫暖處 (約26至32度)發酵20分鐘。
7. 發酵完成後放於碟上，大火蒸15分鐘即可。(可將蒸好的銀絲卷掃油以250度放入焗爐焗至金黃)

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://blog.yahoo.com/_RJDGWFCON5R4XQLGSG2TWKREY4/articles/690485

蛋白杏仁脆餅

之前整野食淨番啲蛋白係度唔知做咩好，咁岩見到呢個食譜就又整黎試下。甜甜脆脆好香杏仁味，如果買到粗粒杏仁口感應該會更加豐富。做法同味道其實同Maracoon都有少少似，當然呢個比較容易handle作為下午茶點都幾唔錯啊其實。

材料︰
‧蛋白……30g
‧糖……15g
‧杏仁粉……25g
‧糖粉……15g
‧杏仁粗粒……適量(可不加)

做法︰

1. 打發蛋白，邊打發邊分3次加入糖，打發蛋白至豎起為止。
2. 加入杏仁粉及糖粉，快手拌勻。
3. 混合物入唧袋，用圓形咀唧出直條或環狀。
4. 灑上杏上粗粒 (預先用160度焗10分鐘)，以170度先焗20分鐘，再以60度焗7分鐘，出爐放涼後即成，如非一次過食用要放入雪櫃冷藏。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://hk.promotion.yahoo.net/cooking/2013052412334/

德國結麪包

細個既時候成日都會係麪包店見到呢種包，覺得佢外型幾特別但咬落得個鹹字因為外層有好多好多鹽，後來大個一直無再食呢種包，想想，如果自己整咪唔洗咁鹹囉大佬海鹽其實都好貴。實的的既口感有少少似Bagel，少少鹹及多多脆既外皮又係一個早餐既好選擇。

材料︰
(麪糰)
‧中筋麪粉……158g
‧溫水……80mL
‧砂糖……1/2茶匙
‧鹽……1/4茶匙
‧酵母……2g
‧無鹽牛油……5g

(燙灼鹼水)
‧水……600mL
‧泡打粉……20g

‧掃面用蛋漿……半隻雞蛋
‧蜜糖……適量 (可不加)
‧粗粒海鹽……適量

做法︰

1. 將乾酵母加入溫水(份量中的一半，即40mL)中拌勻，放置10分鐘。
2. 將麪糰其他材料(除牛油)置入大碗內，加入酵母水搓勻至起筋 (拉開有薄膜)，光滑後加入牛油搓至柔軟，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 於枱上灑上麪粉，麪糰取出後輕按排出空氣，分成4份，搓成約半臂長的長條型。
4. 長條型放成U型，提起尾部的兩端於約一半的位置打交叉，之後再打一個交叉，再將兩端向麪糰底部方向拉下壓實，整理一下外型。
5. 將已整理好的麪糰放於已刷牛油的牛油紙上。
6. 600mL的水加入泡打粉用大火煮滾，將麪糰放入滾的鹼水內，約30秒後取出，瀝乾水份放回牛油紙上，至所有麪糰全部燙好。
7. 預熱焗爐220度，掃面用蛋漿加入蜜糖拌勻。
8. 於燙好的麪糰上掃上蛋漿混合物，再灑上海鹽。
9. 放入焗爐焗12至15分鐘至外層金黃即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/soft-pretzel/

蜂蜜開心果麪包卷

過年時總會有好多乾果淨番係度，擺下擺下食又熱氣唔食掉左佢又好浪費，屎忽痕又將開心果用來整下麪包，夾落蜂糖度唔太甜感覺健康又好味，如果想個包既質感豐富少少可以唔好將啲開心果磨得太碎，咁食包既時候可以食到包既鬆軟同時又有開心果脆脆實實的粒粒。

材料︰
(麪糰)
‧高筋麪粉……250g
‧無鹽牛油……15g
‧幼鹽……2g
‧牛奶……135mL
‧蜜糖……30g
‧雞蛋……25g
‧乾酵母……4g
‧開心果……55g(磨碎，鍾意食粗糙質感麪包可以留多少少大粒的)

‧掃面用蛋漿……適量

做法︰

1. 將乾酵母加入溫牛奶中拌勻，放置10分鐘。
2. 將麪糰其他材料(牛油除外)置入大碗內，搓勻至起筋 (拉開有薄膜)再加入牛油，推圓麪糰，收口向下，蓋上保鮮紙置於溫暖處 (約26至32度)發酵45分鐘。
3. 拍出麪糰空氣，將麪糰平均分成4份，搓圓蓋上保鮮紙讓麪糰鬆弛15至20分鐘。
4. 將麪糰搓成長條形壓扁，用刀割成3條根條，頂部不用切，3條由左至右為a、b及c，把最左邊的一條a麪糰疊在中央的b麪糰上，再最右面的c麪糰疊在b麪糰上 (即鬢辮的做法)，重覆這個動作把收口壓實，再把頭尾卷成花卷。
5. 將花卷排放在已鋪牛油紙的焗盤上進行最後發酵 (置於溫暖處將約20至30分鐘)。
6. 待麪糰發酵至2倍大，輕手掃上蛋漿，放入已預熱至180度的焗爐，用180度焗15分鐘至金黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
學左麪糰做法自己撞出來，哈。

蜂蜜馬鈴薯麪包

馬鈴薯亦係深得本人歡心之美食，蜂蜜又對身體有益，兩樣野夾埋就成為左一個又一個好好味既包啦，個種外脆內又軟，淡淡的蜂蜜香氣再加薯仔粉粉的texture，你唔係覺得會唔好食啊化？

材料︰
‧馬鈴薯……75克
‧高筋麪粉……150g
‧乾酵母……1/2茶匙
‧蜂蜜……30g
‧鹽……少許 (用手指黏起一小撮即可)
‧牛奶……40mL
‧雞蛋……半隻
‧橄欖油……1茶匙
‧無鹽牛油……少許

做法︰

1. 乾酵母放入溫牛奶靜置5分鐘。
2. 馬鈴薯煮軟用叉子壓成泥狀放涼備用。
3. 蜂蜜加入牛奶自先行溶解。
4. 馬鈴薯、高筋麪粉、乾酵母、鹽、橄欖油、蜂蜜牛奶、雞蛋攪拌搓揉成不黏手麪糰。(約搓7至8分鐘)
5. 在麪糰表面灑水，表面鋪上保鮮紙發酵1小時。
6. 發酵完成後，將空氣拍出，把麪糰分成4等份，滾成圓形，蓋上保鮮紙鬆弛15分鐘。
7. 桌上灑些麪粉，將麪糰擀成長形然後捲起，接縫處捏緊。
8. 將麪糰接縫處朝下排放在己鋪牛油紙的焗盤上，用刀片在中央切一道深口，噴些水再發酵40分鐘。
9. 放入焗爐前切口上放上切成細條的無鹽牛油。
10. 放入已預熱至180度的焗爐焗15至18分鐘至表面金黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://tw.myblog.yahoo.com/jw!8bO6wmCeFRjv7ZnJEKc-/article?mid=2837

蒸水蛋

水蛋呢D家常小菜人人都食過又或者人人都整過，但要整到佢個樣滑過剝殼雞蛋拎出黎個陣好似震騰騰羅拔臣啫喱咁就需要少少技巧，就係要加隻碟係上面蒸，千祈唔好同我講用保鮮紙，事關我之前試過貪就手結果蒸蒸下成張保鮮紙跌左落啲蛋度搞到成碟唔要得，錫紙亦都有呢個危機所以加一隻大碟係上面係最穩陣。賣相巧靚味道當然都要一流啦，雞蛋同雞湯個黃金比例又係一絕唔會過鹹過淡總之你跟住落就衰極有個譜啦。

材料︰
‧雞蛋……3隻
‧雞湯……12個「半隻雞蛋殼」 (此為蒸水蛋的黃金比例，1隻蛋就落4個「半隻雞蛋殼」雞湯，如果無雞湯，水都可以，但就要落番1至1 1/2茶匙鹽，又或者最後蒸好水蛋落豉油)

做法︰

1. 打發雞蛋。
2. 把雞湯加入蛋漿拌勻。
3. 將蛋液倒入碟中，用匙羹輕手「畢」走多餘氣泡。
4. 先輕手把碟置於蒸架上，將另一隻碟蓋在上面以防蒸煮期間倒汗水滴進蒸蛋中，加鑊蓋蒸8至10分鐘即成。(如果用水溝蛋漿既話記住加番豉油)

呢個食譜黎自︰
電台節目聽番來。

薑味焦糖燉蛋

終於的起心肝買左火槍同陶瓷杯，所以就趁得閒整一直好想食既Cream Brulee。由於本人好like食薑，於是又扭左少少，整左呢個薑汁味既Cream Brulee。成件事本來好簡單好易做完，但因為本人第一次整個時誤將幼鹽變成糖，結果當然係要由頭RE-DO一次。所以話，失魂野幾時都有。記住，燒左糖衣之後好儘快吃左佢，唔係變番灘水真係唔知搵邊個食啦，雖然，其實都食得既。

材料︰
‧蛋黃……2個
‧砂糖……35克
‧淡忌廉……200毫升
‧薑汁……1湯匙 (唔like薑味可以用番1/2茶匙雲呢拿香油)
‧黃糖……2湯匙 (做焦糖面用)

做法︰

1. 焗爐預熱至160度。
2. 蛋黃與砂糖混合，不用過度攪拌。
3. 淡忌廉用小火加熱至邊緣冒煙，出現小氣泡即可離火。
4. 逐少將淡忌廉加入蛋黃混合物，一邊加入一邊攪拌以免蛋黃被煮熟。
5. 加入薑汁(或雲呢拿香油)拌勻，將混合物過篩備用。
6. 準備焗盤，放上一條毛巾，再放入小陶瓷杯，將混合物輕手倒入陶瓷杯內，如杯面有小氣泡可用匙羹撇走或用牙籤戳破。(無焗爐其實都可以用隔水蒸既方法，做法係用錫紙包好小陶瓷杯，於鍋內煲至水滾，放入小陶瓷杯轉中火隔水蒸15分鐘亦可)
7. 焗盤內注入熱水，水位高度為小陶瓷杯的1/3高度。
8. 放入焗爐中下層焗25至30分鐘，取出後燉蛋表面會凝固，搖晃會微盪。
9. 燉蛋回落至室溫後放入雪櫃雪4小時或以上。
10. 取出後在燉蛋表面平均撒上黃糖，用火槍距離3至4吋將黃糖燒成脆皮糖衣，擱置5分鐘即可食用。(留意燒焦糖後45分鐘內食用燉蛋，否則焦糖會融化成水)

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/creme-brulee/

給瑪德蓮的玫瑰小蛋糕

瑪德蓮蛋糕Madeleines本來是一種法式貝殼形的小蛋糕，偶爾在一家法國餐廳試過後相當難忘，查找食譜做法其實不難，難在要找到那個貝殼形的焗模，由於搵來搵去都找不到，忽發奇想就用了玫瑰花的。焗出來倒有點像燒賣，但近看那些玫瑰的紋理還是相當好看。底部仍然成功焗出應有的「肚臍」，味道因着檸檬皮蓉可喜清新，作為一個鬱悶午後的下午茶點，這是一個相當不俗的選擇。

材料︰
‧低筋粉……100g
‧泡打粉……1/2茶匙
‧鹽……1/4茶匙
‧雞蛋……2隻
‧雲呢拿香精……1/4茶匙
‧檸檬皮蓉……1個(只磨出黃色部分)
‧砂糖……70克
‧無鹽牛油……80克 (再用少許掃焗盤用) (牛油放室溫回軟)

做法︰

1. 在焗盤上掃少許牛油，灑上低筋粉並搖去多餘的麪粉，放入雪櫃備用。(如果用玫瑰花矽膠模就唔洗做呢個step)
2. 把低筋麪粉、泡打粉及鹽過篩拌勻備用。
3. 打發雞蛋至起泡，加入雲呢拿香精及檸檬皮蓉拌勻。
4. 以電動打蛋器高速打發雞蛋，分3次加入砂糖，打發至蓬鬆及拿起攪拌器可以蛋液拉出紋理 (約打發5分鐘)
5. 分3次加入已過篩的麪粉混合物，輕手拌勻，見沒粉粒即可停止攪拌。
6. 拿出小部分麪糊混合融解的牛油，再把牛油混合物加回麪糊，輕手拌勻，用保鮮紙封好，放入雪櫃冷藏最小1小時。
7. 預熱焗爐至180度。
8. 拿出麪糊「畢」入焗模內(正宗的是要用貝殼形焗模)，約滿至3/4，放入焗爐焗9分鐘至邊緣轉金黃，用手按壓中央有回彈感或以牙籤插入底部突起的「小肚臍」抽出後乾淨即成，脫模後放涼即可食用。(如以玫瑰花矽膠模焗就要焗15至18分鐘，因倒入的麪糊較多，需要較長的時間焗熟中心的部分)

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://www.christinesrecipes.com/2013/05/madeleins.html?m=1

泰式生蝦汁

食泰式生蝦，除左講究蝦大唔大隻新唔新鮮，生蒜、辣椒同個生蝦汁可說是配角中的靈魂，如果無左個汁就咁啪啲蝦，雖然都新鮮，但成件事就總係好似爭左啲野咁。一點，嘩，生蝦個種鮮再配埋酸辣味，真係不得之了。

材料︰
‧魚露……1湯匙
‧青檸汁……1 1/2湯匙
‧蒜蓉……1/2湯匙
‧辣椒……2隻
‧糖……2湯匙

做法︰

1. 把辣椒切粒。
2. 放魚露及青檸汁，把所有材料除糖外攪混。
3. 落糖調味。
4. 把醬汁冷藏後即成。(汁料最多可保存7天)

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://oysterkingonline.com/content/37-guide07

三色椒帶子肉腸米形意粉

米形意粉英文名係orzo，有日係超市見佢平平地十幾蚊一大包就膽粗粗買來試整下。三色椒的顏色一拼埋就即刻令人興奮到彈起。你知啦，當你抬頭望天見到灰濛濛一片真係幾沮喪架有時。好在，終於都放晴見到啊藍天白雲了。

材料︰
‧米形意粉……500g
‧三色椒……各1個
‧急凍帶子……1包
‧肉腸……2條
‧乾蔥……2粒
‧蒜頭……3個
‧雞粉……2茶匙
‧油……3湯匙

(醃料)
‧海鹽……適量
‧胡椒粉……適量

做法︰

1. 急凍帶子解凍後用醃料略醃，三色椒及蒜頭切粒，肉腸及乾蔥切片。
2. 煲一鍋熱水，加1湯匙油及1茶匙鹽，水滾後放意粉滾6分鐘至熟後瀝水備用。
3. 平底鑊放2湯匙油，爆香蒜粒及乾蔥，加入肉腸略炒，再放入三色椒、意粉及雞粉炒勻，最後加入帶子略炒1至2分鐘即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
自己亂咁撞出來。

蜜糖芥末粟米包

曾經有人問過我一個無聊問題︰如果你一個人係荒島上面要生活一世，而你係餘下日子只可以KEEP住每日食一種食物，呢種食物會係咩？我諗都唔諗就答粟米，你就知我幾咁鍾意食。呢個包係我臨訓之前忽發奇想諗出來的，佢個賣相本來係想扮碌粟米，但因為麪糰都有一定彈性，要壓出井紋都唔易，兩塊葉都似似地，成件事都幾好笑但最重點係，佢真係好！好！味！囉！外脆內軟加埋鮮甜粟米味，大愛也！

材料︰(麪糰)
‧高筋麪粉……125g
‧無鹽牛油……10g
‧砂糖……8g
‧溫水……80mL
‧幼鹽……2g
‧乾酵母……2g

‧罐頭粟米……半罐
‧蜜糖芥末醬……1湯匙
‧掃面用蛋漿……適量

做法︰

1. 將乾酵母加入暖水中拌勻，放置10分鐘。
2. 將麪糰其他材料置入大碗內，加入酵母水搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 罐頭粟米瀝去水份，加入蜜糖芥末醬，雪凍備用。
4. 將麪糰碌成長條形，分成4份，搓圓蓋上保鮮紙讓麪糰鬆弛15至20分鐘。
5. 將麪糰分成4份 (1大︰A麪糰；2中︰B麪糰； 1小︰C麪糰，A用作包餡，B用作葉，C用作搓成長條圍於頂部)，先把A搓扁，包入適量的粟米，包好，收口向下置於已鋪牛油紙的焗盤上，於包面界上井紋(如圖1)，再把C的長條麪糰圍於頂部(如圖2)，壓扁兩片B麪糰放於A麪糰兩側作葉(如圖3)。
   
6. 麪糰作最後發酵 (置於溫暖處將約20至30分鐘)，麪糰發酵至兩倍大，輕手掃上蛋漿，放入已預熱至180度的焗爐焗15至18分鐘即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
學左麪糰做法自己撞出來，哈。

菠蘿炒飯

菠蘿炒飯本身其實唔難整，挖菠蘿肉出來個下先係考驗，由於菠蘿肉比較硬身，所以要整個完整菠蘿殼出來都唔係咁簡單。為食如我就一路片啲果肉出來一路食，個種甜美多汁真係未煮食先興奮。飯配上勁多的肉鬆及炸腰果真係相當好吃，我記得我細個個時最鍾意喪「畢」有肉鬆同腰果個啲飯來吃。原食譜有落提子乾的，因為本人好憎，所以直接SKIP左，想吃的話就係放菠蘿落去炒個時加埋落去。

材料︰
‧菠蘿……1個
‧雞蛋……1隻(打散)
‧乾蔥茸……1湯匙
‧咖哩粉……1湯匙
‧黃薑粉……1茶匙
‧莎樂美腸……25克(切粒)
‧芥蘭……30克(切粒) (我用左菜心代替)
‧白飯……2碗
‧炸腰果……適量
‧肉鬆……適量
‧芥花籽油……4湯匙

(調味料)
‧鹽……1茶匙
‧糖……1/2茶匙
‧胡椒粉……1/2茶匙

做法︰

1. 菠蘿橫切1/3作蓋，另在其餘2/3挖出果肉，取出70克切粒，菠蘿殼留用。
2. 燒熱2湯匙油，下雞蛋炒成蛋碎備用。
3. 燒熱2湯匙油，炒香乾蔥茸，下咖哩粉及黃薑粉炒香。
4. 加入莎樂美腸及芥蘭炒一會，再下白飯及調味料炒透。
5. 放入菠蘿及雞蛋碎炒勻，置於菠蘿殼中，鋪上肉鬆及炸腰果即可。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://hk.promotion.yahoo.net/cooking/2013080914614/

日本甜薯包

碰巧娘親買來超甜的日本甜薯，就應妹的要求做了這款麪包。日本甜薯甜度比之前的紫心蕃薯更勁，加上手工麪包可以包入喪多餡，那甜而不膩的甜薯味，真係食多幾個都覺得唔夠，為左令佢同之前既紫心蕃薯包區別開來，我就係網上睇下人地整包原來都有好多種造型方法，呢個好似個兜仔咁，最岩用來盛起甜甜的甜薯茸。

材料︰(麪糰)
‧高筋麪粉……250g
‧無鹽牛油……15g
‧鹽……2g
‧溫水……120mL
‧砂糖……30g
‧雞蛋……20g
‧乾酵母……4g
‧日本甜薯茸……120g

(餡料)
‧日本甜薯茸……160g

‧掃面用蛋漿……適量

做法︰

1. 將乾酵母加入暖水中拌勻，放置10分鐘。
2. 將麪糰其他材料置入大碗內，加入酵母水搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將麪糰平均分割成8份，滾圓，讓麪糰鬆弛15至20分鐘。
4. 將麪糰按扁成圓形，頂部及底部各界一刀 (如圖1)，於界口處揭起並打交叉(如圖2)，造型成一個小盛器。
5. 於洞口的位置加上適量的日本甜薯茸，將包排放在已鋪牛油紙的焗盆上，進行最後發酵 (置於溫暖處將約20至30分鐘)。
6. 待麪糰發酵至兩倍大，輕手掃上蛋漿，放入已預熱至180度的焗爐焗15至18分鐘即成。

   

   圖1

   

   圖2

比個LIKE我LIKE你︰

https://www.facebook.com/chengtszyingcooking

呢個食譜黎自︰

《我愛手工麪包》；韋太編著；萬里機構‧飲食天地版社；ISBN︰9789621448842

原本人地用紫心蕃薯，我改左用甜薯。

http://tw.myblog.yahoo.com/carol-jay/article?mid=214703&prev=217796&next=213474&l=f&fid=38

呢個就係我參考人地麪包個造型方法，佢界四刀，但我記錯左兩刀，件事又WORK喎，鍾意既都可以跟番佢。

 

花雕焗明蝦

花雕醉蝦原來都唔係話咁易整，將啲蝦泡油個下真係彈到我WE嘩鬼叫唔係講笑，其實比油彈又洗咩驚啊，你啊媽 都比油彈足幾廿年咪一樣咁煮野過你吃，所以，食住家飯記住要心存感激煮野食過你吃個位啊！唔試過唔知原來蝦浸酒都會慢慢浸熟架哈哈哈。

材料︰
‧生蝦……半斤
‧花雕酒……半杯

(配料)
‧薑……4片
‧蔥……兩條 (切段)
‧乾蔥……1粒 (切片)

(醃料)
‧鹽……半茶匙
‧生粉……1湯匙

(汁料)
‧花雕酒……3湯匙
‧水……3湯匙
‧糖……1茶匙
‧生抽……1茶匙
‧生粉……半茶匙(拌水)

做法︰

1. 生蝦沖淨放入大碗內，倒入半杯花雕酒浸蝦，可放入雪櫃，至蝦靜止。
2. 切好其他配料。
3. 隔淨生蝦，灑少許鹽醃5分鐘。
4. 燒4湯匙油，生粉薄薄灑於蝦上，再把蝦放熱油內泡至9成熟，取出。
5. 剩餘油爆香配料，灒酒，將蝦回鑊，倒入適量汁料埋薄獻即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
以前D食譜抄落。

豆豉鯪魚炒油麥菜

細個老豆成日炒過我食，係隔離望下望下其實又幾容易，不外乎快炒加快炒，記住「祕」番豆豉鯪魚啲油出來，拎番少少來炒菜就好了，太多油，你唔肥真係我都膩啦。

材料︰
‧油麥菜……1斤
‧豆豉鯪魚……1罐

做法︰

1. 油麥菜切去頭部及切段，洗淨備用。
2. 豆豉鯪魚稍為瀝乾油份，切碎備用。
3. 用豆豉鯪魚內的油燒熱鑊，放入油麥菜及已切碎豆豉鯪魚快炒。
4. 加鑊蓋焗2至3分鐘即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
我啊爹自細教落。

玉子大馬站

好耐都無食過玉子豆腐了，連埋韭菜花同燒肉一齊炒，加埋鹹香蝦醬原來又幾好味。之不過玉子豆腐好鬼易散，一路切一路碎上咁真係唔係切豆腐咁易啊！

材料︰
‧玉子豆腐……3條
‧燒肉……4両(切件及拖水)
‧韭菜……4両
‧蒜肉……4粒(拍爛)
‧蝦醬……1湯匙
‧泰國甜酸醬……2湯匙

(汁料)
‧清水……3/4杯
‧雞粉……半茶匙
‧麻油……適量
‧胡椒粉……適量

‧紅椒絲……適量 (裝飾用)

做法︰

1. 玉子豆腐切厚件，煎香兩面備用。
2. 下油炒香蒜肉及燒肉，加入蝦醬炒香片刻，灒酒。
3. 加入汁料煮滾，以生粉水埋獻。
4. 放回玉子豆腐及韭菜煮滾，再撒上紅椒絲即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
以前D食譜抄落。

榛子朱古力方包

想話有一個豐足早餐唔一定要出去買麪包既，因為好鍾意食方包，所以就整左呢個榛子朱古力方包出來，一路焗一路聞到好香既朱古力味，鴛鴦既顏色真係一路切一路開心，唔信，你都可以試試。

材料︰(麪糰)
‧高筋麪粉……250g
‧無鹽牛油……20g
‧砂糖……15g
‧溫水……160mL
‧幼鹽……5g
‧乾酵母……4g

‧可可粉……5g
‧榛子朱古力醬……適量
‧掃面用蛋漿……適量

做法︰

1. 將乾酵母加入暖水中拌勻，放置10分鐘。
2. 將麪糰其他材料置入大碗內，加入酵母水搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將麪糰拍摺成長形，讓麪糰鬆弛15至20分鐘。
4. 將麪糰按扁，分成兩份，一份加入可可粉搓勻，用麪粉棍輾薄成6 吋x 24吋的長形，並於上面塗上適量的榛子朱古力醬，另一份亦用麪粉棍輾薄成6 吋x 24吋的長形，將麪糰蓋在已塗果醬的麪糰上並輕輕壓實，麪糰兩邊向內摺1cm。
5. 將麪糰由上向下捲起，收口略為拖薄及壓實。
6. 放入已掃油的麪包模 (4吋 x6.5吋長方形焗模) 內，進行最後發酵 (置於溫暖處將約20至30分鐘)。
7. 待麪糰發酵至8成滿，輕手掃上蛋漿，放入已預熱至180度的焗爐焗15分鐘，再蓋上麪包模蓋或錫紙焗12分鐘，麪包出爐後脫模待涼。

比個LIKE我LIKE你︰
https://www.facebook.com/chengtszyingcooking

呢個食譜黎自︰
學左麪糰做法自己撞出來，哈。

士多啤梨沾朱古力

睇圖你一定會問白朱古力死左去邊，係，我懶醒咁以為白朱古力要座住熱水咁等佢融，搞左好耐佢融得來杰到死士多啤梨完全沾唔到囉搞到！嘥左啲白朱古力唯有單拖只用黑朱古力啦，整呢個野其實唔難但好易整到成手都係朱古力，但雪凍之後朱古力個種脆夾甜加埋士多啤梨既酸甜確係好食。只要你唔好好似我咁懶醒，應該好易整到個成品！記住朱古力係直！接！擺！入！鍋！度！融！啊！用！細！火！

材料︰
‧士多啤梨……12粒
‧白朱古力……155克
‧黑朱古力……60克

做法︰

1. 用小毛刷輕輕清洗士多啤梨，不要弄破外皮，抹乾備用。
2. 將白朱古力置於鍋內煮至融化，在士多啤梨頭部沾上朱古力至約2/3部分，瀝去過多朱古力後置於倒放於碟上待凝結。
3. 將黑朱古力置於鍋入煮至融化，稍冷卻，將已沾白朱古力的士多啤梨再沾上黑朱古力至1/3部分，倒放於碟上冷藏，待朱古凝結即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
以前D食譜抄落。

可樂雞翼

可樂雞翼實在係一個好方便既菜，需要材料唔多步驟亦唔麻煩，我怕肥就用健怡可樂來整，如果你想足味少少當然用番原裝可樂更滋味啦。

材料︰
‧雞翼……1磅 (約12隻)
‧蒜頭……3粒
‧可樂……1支
‧粗鹽……少許
‧豉油……少許
‧糖……少許

做法︰

1. 雞翼解凍洗淨，蒜頭拍爛。
2. 燒紅鑊落少許油。
3. 落蒜頭加少許粗鹽爆香。
4. 將雞翼落鑊煎至兩面金黃。
5. 加豉油、糖略炒，再加可樂 (剛蓋過雞翼少許即可)
6. 蓋好鑊蓋，用中火煮至汁濃，即可上碟。

比個LIKE我LIKE你︰
https://www.facebook.com/chengtszyingcooking

呢個食譜黎自︰
以前D食譜抄落。

日式沙律伴車厘茄芝士焗釀大蘑菇

又係一個亂咁來的創意好滋味，BASE ON人地既食譜，再根據個人喜好加加減減拼拼湊湊，大概就係煮野食之所以好玩既地方啦。

材料︰
‧沙律菜……1袋 (可買超市凱撒沙律包，裏面有芝士碎同麪包糠，好好味，包醬就留番下次)
‧溫室青瓜……4條
‧車厘茄……10粒
‧大蘑菇……2隻

(焗蘑菇用)
‧巴馬臣芝士碎……2至3湯匙
‧車厘茄……6至8粒
‧百里香……1/2茶匙
‧蕃茄醬……1湯匙
‧海鹽……少許
‧黑胡椒……少許

(沙律汁)
‧鎮江醋……3茶匙
‧蠔油……1 1/2茶匙
‧水……4茶匙
‧麻油……1/4茶匙
‧豉油……1/4茶匙

做法︰

1. 原隻大蘑菇以廚房紙抹乾淨，盡量不要濕水。
2. 焗爐預熱至180度。
3. 所有車厘茄切半備用。
4. 將蕃茄醬均勻塗在大蘑菇上，鋪上車厘茄。
5. 灑上少許海鹽、黑胡椒、巴馬臣芝士碎及百里香。
6. 放進焗爐20分鐘至芝士金黃即可。
7. 溫室青瓜刨薄片，加少許鹽拌勻，放置一旁讓它出水備用。
8. 調較沙律汁，青瓜與車厘茄一同加入沙律菜中，加入沙律汁拌勻，將焗好的大蘑菇置於沙律上即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://hk.knowledge.yahoo.com/question/question?qid=7007091100116
焗蘑菇個食譜我係YAHOO副刊睇到抄低，但搵唔番原LINK，原本人地有加火雞肉，但我唔嗜肉，所以SKIP左:P 如果自己LIKE既就將2片火雞片切絲係STEP(4)加埋入大蘑菇就可以。

香辣海皇闊麪

用袋裝海鮮就唔洗咁麻煩，香香辣辣闊條麪真係好惹味，由於加左少少雞醬，所以就有FUSION風味，我諗用來炒ANGELHAIR都一樣咁好食啊！

材料︰
‧意大利闆麪……150克
‧中蝦……180克 (我貪方便係超市買左袋急凍雜錦海鮮，入面有蝦有帶子有魷魚，幾方便~)
‧墨魚仔……100克 (如果似我咁就唔洗買呢個啦)
‧洋蔥……30克 (切碎) (我鐘意食洋蔥，唔理三七廿一隊左成個落去)
‧蒜茸……1湯匙
‧紅辣椒粒……1/2湯匙 (嗜辣如我隊左成隻辣椒落去)

(醃蝦料，醃其他海鮮都可以，如果份量多左自己按量加番醃料份量)
‧鹽……1/2茶匙
‧胡椒粉……1/4茶匙

(醬汁料)
‧雞湯……1/4杯 (我臨時又唔記得買，就用1/4杯水加1茶匙雞粉)
‧蕃茄醬……4湯匙
‧泰式酸甜辣椒醬……2湯匙 (即係雞醬其實)
‧檸檬汁……1茶匙
‧糖……2茶匙

做法︰

1. 鮮蝦去頭、殼及腸，留尾，洗淨抹乾，墨魚仔亦洗淨，一同加入醃料醃10分鐘。(用袋裝海鮮呢就解凍抹乾海鮮然後加醃料醃)
2. 預備大鍋沸水，放入1湯匙鹽，加入闊條麪，煮約7分鐘，撈起瀝乾，加入1湯匙芥花籽油拌勻備用。
3. 用中火燒熱2湯匙芥花籽油，加入洋蔥炒香，下蒜茸、紅辣椒粒炒片刻。
4. 最後加入中蝦及墨魚仔炒至略熟，加入醬汁料，煮約2分鐘，倒入麪條炒勻即可上碟。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://hk.promotion.yahoo.net/cooking/2013073114127/

藍莓果醬方包

係香港工作既人大部分都唔會有時間享受一個悠閒既早餐，取而代之係趕水趕命甩頭甩髻一邊咬住片包一邊趕出門口既番工mode，日復日年復年，有時都想話就算係咬住片包都可否係一塊有格調些許既包，於是乎就諗不如試下係搓麪糰個陣加埋果醬入去，咁咪唔洗搽醬都一樣可以咬住片果醬方包囉，就係咁，就整左呢款方包，切開之開看到那淡淡的紋理，成件事即刻升格左。

材料︰
(麪糰)
‧高筋麪粉……250g
‧無鹽牛油……20g
‧砂糖……15g
‧溫水……160mL
‧幼鹽……5g
‧乾酵母……4g

‧藍莓果醬……適量
‧掃面用蛋漿……適量

做法︰

1. 將乾酵母加入暖水中拌勻，放置10分鐘。
2. 將麪糰其他材料置入大碗內，加入酵母水搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將麪糰拍摺成長形，讓麪糰鬆弛15至20分鐘。
4. 將麪糰按扁，分成兩份，一份加入適量藍莓果醬搓勻，用麪粉棍輾薄成6 吋x 24吋的長形，並於上面塗上適量的藍莓醬，另一份亦用麪粉棍輾薄成6 吋x 24吋的長形，將麪糰蓋在已塗果醬的麪糰上並輕輕壓實，麪糰兩邊向內摺1cm。
5. 將麪糰由上向下捲起，收口略為拖薄及壓實。
6. 放入已掃油的麪包模 (4吋 x6.5吋長方形焗模) 內，進行最後發酵 (置於溫暖處將約20至30分鐘)。
7. 待麪糰發酵至8成滿，輕手掃上蛋漿，放入已預熱至180度的焗爐焗15分鐘，再蓋上麪包模蓋或錫紙焗12分鐘，麪包出爐後脫模待涼。

比個LIKE我LIKE你︰
https://www.facebook.com/chengtszyingcooking

呢個食譜黎自︰
學左麪糰做法自己撞出來，哈。

蜜糖焗雞翼

燒野食成日都會有蜜糖雞翼，但因為蜜糖只係搽係表面同埋燒左一陣，蜜糖味硬係唔多入味咁。整呢個蜜糖焗雞翼係煩少少，但嚴格來講工序都唔算好多好難整，如果唔食咁甜，最尾可以唔洗掃咁次蜜糖其實。

材料︰
‧雞翼……12隻
‧蜜糖……適量 (掃面用)

(醃料)
‧生抽……2湯匙
‧糖……2茶匙
‧薑汁……1湯匙
‧紹酒……1茶匙
‧黑胡椒……適量
‧蜜糖……1湯匙

做法︰

1. 雞翼洗淨抹乾，用醃料 (除蜜糖外)拌勻，醃最少2小時。
2. 下1湯匙蜜糖至雞翼中拌勻，醃半小時。
3. 焗爐預熱至180度，焗盤內鋪2層錫紙。
4. 雞翼放入焗爐焗約10分鐘。
5. 反轉另一面再焗10分鐘。
6. 將焗爐加熱至220度，兩面掃上蜜糖焗5分鐘。
7. 再兩面掃蜜糖反轉多焗5分鐘，焗至金黃色取出即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://shirleyliving.mysinablog.com/index.php?op=ViewArticle&articleId=1252793

米米披薩

PIZZA本來就係好滯口既野食，變左用米飯來做餅底成件事就清新易入口好多，配料同之前焗PIZZA原理一樣真係你LIKE咩就加咩，今次用左個蜜糖芥末醬真係驚喜咁好食，沙律醬食得多係時候轉下口味啦。美中不足係餅底唔夠實淨下次轉用黏性再勁少少既珍珠米效果會更理想。

 



材料︰

‧白飯……1湯碗

‧飯素……3湯匙 (一般日本超市有售)

‧沙律醬……3湯匙 (我轉用左蜜糖芥末醬)

‧巴馬臣芝士碎……1/2碗

 

做法︰

1. 焗爐預熱至200度。
2. 白飯或冷飯用麪粉棍一端壓成有黏性。
3. 加入飯素，拌成飯糰。
4. 焗盤掃少許油，飯糰搓圓壓成9吋闊、厚約1/2吋的圓形，壓實些以免切開時鬆散。
5. 壓成餅底後加上醬料及其他配料 (可因應個人喜好加上不同的食材如雞柳、菠蘿等，如加生肉需事前略炒，是次加上辣肉腸及車厘茄) 及巴馬臣芝士碎。
6. 放入焗爐10至15分鐘至或面金黃色，取出後撒上適量飯素即成。(平底鑊做法︰燒熱平底鑊，加入一湯匙油，放入米披薩，蓋上鑊蓋，小火煎至底部金黃及芝士融化即可)

比個LIKE我LIKE你︰
https://www.facebook.com/chengtszyingcooking

 

呢個食譜黎自︰

http://sweetheartkitchen.com/recipes/rice-pizza/

 

 

日式薯仔沙律

薯仔沙律實乃本人飛佛，飽肚得來又唔算好肥 (唔算好，幾姐)，再加埋我至愛既粟米同清新青瓜片真係一流。不過刨青瓜薄片原來都唔簡單，大力少少就即斷，心急人如我都要學曉慢慢刨，下次再整，加少少黑椒碎應該更加惹味。

材料︰
‧薯仔……180g
‧蛋……1隻 (因為本人唔係得別好蛋，所以無落)
‧溫室青瓜……30g
‧鹽……少許
‧粟米……30g
‧蛋黃醬……1湯匙
‧巴馬臣芝士碎……半湯匙

做法︰

1. 溫室青瓜刨薄片，加少許鹽拌勻，放置一旁讓它出水備用。
2. 薯仔切半烚熟，稍微放涼去皮，用叉壓成蓉，放涼。
3. 蛋烚熟，放涼，切碎。
4. 薯蓉加入蛋黃醬、巴馬臣芝士碎及碎蛋拌勻。
5. 最後用匙羹把薯蓉弄成團狀放於碟上，並以青瓜薄片圍邊，放置雪櫃約1小時，取出即可食用。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://blog.yahoo.com/_IFDWZ26GUQ6BUVW3VBMKRXSPW4/articles/1270037

士多啤梨卷蛋

濃濃的蛋香配上一杯Earl Grey熱茶就是一個悠閒下午茶的好時光。蛋白不要打太耐打傷了蛋糕就唔夠鬆唔夠軟，可以的話我想藍莓卷蛋也是相當不錯的搭配，色彩的美麗來自水果本來的天然顏色。

材料︰
(卷蛋)
‧菜油……75g (可用芥花籽油)
‧全脂奶……`50g
‧低筋麪粉……65g
‧泡打粉……1g
‧蛋黃……75g
‧蛋白……155g
‧白砂糖……75g
‧他他粉……1.5g

(餡料)
‧淡忌廉……150g
‧特幼糖霜 (icing sugar)……適量

‧士多啤梨……3至5粒 (可轉用其他水果)

做法︰

1. 焗爐預熱至170度。
2. 預備一個20cm x 30cm的蛋糕焗盤，在焗盤內掃油並鋪上牛油紙備用。
3. 打發蛋黃，加入菜油、全脂奶，分2次加入低筋麪粉及泡打粉 (兩者可先過篩)，拌勻至沒有粉粒。
4. 用打蛋器打發蛋白至2倍大，加入他他粉打約5秒，再分3次加入砂糖並打發至企身。
5. 將1/3的(4)加入(3)中，輕手拌勻，再加入其餘的 (4)至 (3)中，以刮刀割入再摺的方法輕手拌勻。
6. 把(5)倒入焗盤，以刮刀把(5)平均分佈於焗盤中，如有氣泡打把焗盤於桌面輕輕敲打。
7. 放入已預熱的焗爐以170度焗12至14分鐘至表面金黃，取出放涼備用。
8. 於忌廉加入糖霜 (可根據個人嗜甜度加入適當的份量)，以發蛋器打發忌廉至企身。(約10分鐘)
9. 把蛋糕金黃的一面向面，白色一面鋪在牛油紙上，向面一面靠近自己一方為A邊，較遠一方為B邊。於B邊的邊緣斜切一刀，於A邊頭輕手切出三條線 (不要切到底，以便捲摺)。
10. 於金黃一面抹上忌廉，於中心部分鋪上已切4份或切粒的士多啤梨 (約鋪3行，太多會爆餡)。
11. 用雙手拿起鋪於底的牛油紙，從A邊開始捲起蛋糕，捲至B邊時輕手捏實蛋卷。
12. 把卷蛋放入雪櫃雪凍，取出後可於卷蛋加上忌廉、朱古力片及士多啤梨作裝飾即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
我出去上堂學架。哈。

貝果包

初時唔知咩係貝果Bagel，係有一次係cafe食到就一試即愛，個種煙韌口感並不是一般麪包可以比擬。免左個發酵過程但要放入滾水灼一灼都幾得意，留意Bagel中間個窿做大少少會好啲，因為焗個陣佢一發大就連個窿都會消失，咁樣就唔似Bagel架啦雖然一樣咁好食哈哈。

材料︰
(麪糰)
‧高筋麪粉……250g
‧糖……10g
‧乾酵母……4g
‧鹽……4g
‧溫水……140mL

‧水……1200mL
‧糖……40g

‧掃面用蛋漿或牛奶……適量

做法︰

1. 將乾酵母加入暖水中拌勻，放置10分鐘。
2. 將所有麪糰材料攪拌均勻，加入酵母水，揉成光滑柔軟、拉開有薄膜的麪糰。
3. 將麪糰等分成4份，分別滾圓，再用麪粉棍輾成長方型，並捲成長條狀。
4. 將長條其中一端壓平，另一端裹進壓平的麪糰，接合成東甩狀即可。
5. 把水及糖倒入鍋中煮滾轉中火，再將麪糰放入滾水中煮約1分鐘，中途約翻面2至3次。
6. 撈起麪糰瀝乾，置於已放牛油紙的焗盤上，輕手掃上蛋漿或牛奶。(可於此時因應個人口味於麪糰表面加上罌粟籽、南瓜籽或芝麻)
7. 預熱焗爐至200度。
8. 以200度焗18至20分鐘，表面呈金黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://bonnie8nz.pixnet.net/blog/post/28228946-%E4%BA%AB%E5%8F%97%E6%96%B0%E9%AE%AE%E5%87%BA%E7%88%90%E7%9A%84%E8%B2%9D%E6%9E%9Cbagel

芝士麻糬波波

想食到新鮮出爐野係人之常情，但無奶油要我成日係麪包鋪等佢架，咁不如自己焗就包新鮮。芝士麻糬波波係隻妹發口痕叫我整的，熱食外脆內軟，放涼左亦加倍煙韌，又唔洗等佢發酵真係逐漸變黑又得，立即變黑又得，得左！

材料︰
‧糯米粉……110克
‧木薯粉……15克 (又名泰國生粉，百佳惠康都有)
‧巴馬臣芝士碎……30克
‧鹽……1/2茶匙 (我只係用手執起一小撮就算，因為芝士碎都好鹹)
‧雞蛋……1隻
‧牛油溶液……40克 (我用無鹽牛油)
‧牛奶……70毫升
‧芝士粉……35克 (由於唔記得買所以無落，咁所以牛奶既份量多左就搞到粉糰濕得滯，執生
                                     黎講咪加番多少少糯米粉同木薯粉囉)

做法︰

1. 糯米粉、木薯粉過篩，加入芝士粉及芝士碎，鹽備用。
2. 加入雞蛋、牛油溶液與(1)的材料拌勻，逐少加入牛奶搓成粉糰。留意如果好似我咁唔落芝士粉既話，粉糰會好濕，自己着量加番多少少糯米粉同木薯粉落去搓至光滑同乾身少少為止。(咁又唔好落太多，自己因住來落啦)
3. 預熱焗爐至180度，將粉糰分為15至20克一份 (約可分成16至22粒，搓時手沾少許糯米粉會好搓少少)，置於已鋪牛油紙的焗盤上。
4. 放入已預熱的焗爐焗20分鐘至金共黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/cuisine/%e9%ba%b5%e5%8c%85/

泡芙

網上睇到好多人話會失敗事關個PUFF脹唔起，提提你焗既期間一定絕對唔可以打開個爐啊！當然我都明見住個PUFF好似吹波咁脹起係好興奮，但興奮還興奮，泄左度氣咪又係一野收皮！我自己鐘意夾雪糕來食，係個PUFF中間輕輕界一刀再塞一大匙雪糕入去個種滋味你明的，如果想話有儀態少少都可以係個PUFF既底部界一個小十字再用唧袋加唧嘴唧餡入去，但我試過會搞到周圍都係你知道雪糕一用手揸其實係會即！刻！融囉SHIT！

材料︰
‧清水……100毫升
‧無鹽牛油……45g
‧低筋麪粉……60g (過篩)
‧雞蛋……2隻 (打散)
‧幼鹽……少許

做法︰

1. 預熱焗爐至200度。
2. 水、牛油及鹽一併加入鍋中，用中火煮至水滾及牛油溶化。
3. 轉細火加入已過篩的低筋麪粉，用木匙攪至軟滑。
4. 攪拌至麪糰離鍋邊後離火，麪糰轉放至大碗中。
5. 分3次加入蛋液，每次加入蛋液後必須徹底拌勻，攪至麪糊可掛於木匙並垂下成倒三角形即可。
6. 把麪糊放入備有直徑1厘米的圓形唧嘴的唧袋中，在已鋪上牛油紙的焗盤上唧出約4厘米的圓形。
7. 入爐焗30至35分鐘 (我焗左30分鐘)或至泡芙脹起及金黃即成。
8. 放涼後可自行加入雪糕或吉士醬雪凍食。吉士醬做法如下︰

材料︰
‧蛋黃……2個
‧糖……45克
‧粟粉……1湯匙
‧麪粉……1湯匙
‧牛奶……200毫升
做法︰

1. 蛋黃和糖放在大盤中打勻，加入粟粉和麪粉拌勻。
2. 牛奶放小鍋中煮至將滾 (冒煙並起小泡)，熄火，倒入蛋黃麪糊中，邊倒邊攪拌。
3. 將蛋奶糊倒回小鍋中，開細火，邊煮邊攪拌，直至變濃稠即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
我係書局打書釘睇左唔知邊本烹飪書再加網上一啲做法整合而成。
http://www.wretch.cc/blog/MrsBlackCat/23768669

芝士條

鹹鹹香香好滋味最好用來送啤酒。未有咁豪氣，用黎做下午茶點其實都唔錯。

材料︰
(麪糰)
‧高筋麪糰……130克
‧乾酵母……4克
‧溫水……80克
‧糖……10克
‧鹽……1克
‧牛油……12克 (放室溫)

‧巴馬臣芝士……適量
‧掃面用蛋漿……1/2隻

做法︰

1. 將乾酵母加入暖水中拌勻，放置10分鐘。
2. 將麪糰其他材料(牛油除外)置入大碗內，加入酵母水搓勻至起筋 (拉開有薄膜)再加入牛油，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將發酵至兩倍大的麪糰取出後用手輕按，排出空氣，取出作分割。
4. 把麪糰分成12克一份，約可分成18份。
5. 推圓麪糰，收口向下，再蓋上保鮮紙，鬆弛10分鐘。
6. 焗盤上放牛油紙，將麪糰推成幼條，蓋上保鮮紙作最後發酵 (置於溫暖處將約20至30分鐘)。
7. 待麪糰發酵至2倍大，輕手掃上蛋漿，灑上芝士碎。
8. 預熱焗爐至180度。
9. 以180度焗約18分鐘至金黃即成。(如要脆口啲可再以90度焗8分鐘)

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/bamboo-charcoal-cheese-bars/

榛子朱古力扭紋條

貪心人是我試過因為搽得太多朱古力醬而漏漿，由於出爐既時候仲好熱，朱古力漿搞到周圍都係。建議搽醬不要太貪心哈哈，如果唔係扭麪包都會扭到一pat醬出來。

材料︰
(麪糰)
‧高筋麪粉……250g
‧無鹽牛油……15g
‧幼鹽……2g
‧溫水……135mL
‧砂糖……30g
‧雞蛋……25g
‧乾酵母……4g

(餡料)
‧榛子朱古力醬……2至3湯匙

‧掃面用蛋漿……適量

做法︰

1. 將乾酵母加入暖水中拌勻，放置10分鐘。
2. 將麪糰其他材料(牛油除外)置入大碗內，加入酵母水搓勻至起筋 (拉開有薄膜)再加入牛油，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將麪糰平均分成2份，摺拍成長形，讓麪糰鬆弛15至20分鐘。
4. 將麪糰用麪粉棍輾薄成7吋 x 12吋長形，將榛子醬平均塗在其中一塊麪糰上，將另一塊麪糰蓋上及四邊壓實，壓完約成7吋 x 7吋方形麪糰，然後將麪糰平均切成4至5份長條形。
5. 在每條麪糰中央切一刀 (不要切斷至頭或尾)，將麪糰向頭往左、尾往右扭成紐紋狀及打圈盤起成花卷。
6. 將花卷排放在已鋪牛油紙的焗盤上進行最後發酵 (置於溫暖處將約20至30分鐘)。
7. 待麪糰發酵至2倍大，輕手掃上蛋漿，放入已預熱至180度的焗爐，用180度焗15分鐘至金黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
《我愛手工麪包》；韋太編著；萬里機構‧飲食天地版社；ISBN︰9789621448842

迷你腸仔包

細細個成日食腸仔包，最鍾意食鬼哂個包留番條腸仔慢慢歎，唔知其他人係咪都有呢鋪癮架呢？

材料︰
(麪糰)
‧高筋麪粉……200克
‧砂糖……40克
‧鹽……3克
‧雞蛋……1/2隻
‧無鹽牛油……10克
‧乾酵母……7克
‧溫水……100毫升

(掃包面用)
‧雞蛋……1/2隻
‧砂糖……1/2湯匙
‧熱水……1/2湯匙

‧芝士腸……20條

做法︰

1. 將乾酵母加入暖水中拌勻，放置10分鐘。
2. 將麪糰其他材料置入大碗內，加入酵母水搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 預備掃面用材料，將1/2湯匙砂糖及1/2湯匙熱水拌勻，再加入1/2隻雞蛋。
4. 將發酵至兩倍大的麪糰取出後用手輕按，排出空氣，如作迷你腸仔包將麪糰分成20克一份，正常腸仔包50克一份 (包廚師腸)。
5. 推圓麪糰，收口向下，蓋上保鮮紙，鬆弛15分鐘。
6. 將麪糰搓成長條形，迷你腸仔包長度至芝士腸4倍，正常腸仔包為廚師腸長度3倍，在腸的一端開始捲，捲好後收口向下並作最後發酵 (置於溫暖處將約20至30分鐘)。
7. 掃上蛋漿(可在此時灑上芝麻)，預熱焗爐160度，以160度先焗10分鐘，取出再掃一次蛋漿，再焗10分鐘至金黃色即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/mini-sausage-bun/

黑椒蜜糖洋蔥磨菇卷

本來呢個係方包黎，因為加左太多餡而變成麪包卷，無法啦，你食麪包都係想食多餡架啦係咪先？

材料︰
(麪糰)
‧高筋麪粉……250g
‧無鹽牛油……20g
‧砂糖……15g
‧溫水……160mL
‧幼鹽……5g
‧乾酵母……4g

(餡料)
‧洋蔥粒……60g
‧蘑菇……適量
‧蜂蜜……適量
‧黑椒……適量
‧水……少許

(包面)
‧芝士碎……適量
‧掃面用蛋漿……適量

做法︰

1. 將乾酵母加入暖水中拌勻，放置10分鐘。
2. 將麪糰其他材料置入大碗內，加入酵母水搓勻至起筋 (拉開有薄膜)，推圓麪糰，收口向下，放在塗滿油的碗內，置於溫暖處 (約26至32度)發酵45分鐘。
3. 將麪糰拍摺成長形，讓麪糰鬆弛15至20分鐘。
4. 於平底鑊放牛油，落洋蔥粒炒至軟身變透明，加入蘑菇、蜂蜜、黑椒、水略炒，熄火備用。
5. 將麪糰按扁，用麪粉棍輾薄成6 吋x 24吋的長形，將餡料鋪在麪糰上，輕輕壓實，麪糰兩邊向內摺1cm。
6. 將麪糰由上向下捲起，收口略為拖薄及壓實。
7. 放入已掃油的麪包模 (4吋 x6.5吋長方形焗模) 內，進行最後發酵 (置於溫暖處將約20至30分鐘)。
8. 待麪糰發酵至8成滿，輕手掃上蛋漿，灑上少許芝士碎，放入已預熱至180度的焗爐焗15分鐘，再蓋上麪包模蓋或錫紙焗12分鐘，麪包出爐後脫模待涼。

比個LIKE我LIKE你︰
https://www.facebook.com/chengtszyingcooking

呢個食譜黎自︰
學左麪糰做法自己撞出來，哈。

蝴蝶酥

分割蝴蝶酥個時其實分得愈薄焗出來愈脆，把刀唔夠利真係一路切一路收皮。如果想再脆口少少，可以放入雪櫃雪住佢。冰涼脆脆，當然又係好滋味。

材料︰
‧急凍千層酥皮……1塊 (24cm x 24cm)
‧砂糖……1 1/4杯
‧無鹽牛油溶液……15克

做法︰

1. 急凍千層酥皮放室溫解凍至軟身。
2. 無鹽牛油加熱成溶液。
3. 急凍酥皮放在已鋪膠枱布的枱上，兩邊均勻灑上砂糖。`
4. 酥皮以中間為線，兩邊向內摺一摺，再向中間線摺一摺，之後再向中間線摺一摺，然後將兩邊對摺成一條長條形。
5. 輕輕把長條壓實，然後以利刀分割成1/2吋闊的小塊。
6. 預熱焗爐至180度。
7. 焗盆上放上牛油紙，整齊排好蝴蝶酥 (將蝴蝶酥放平，輕輕打開成心形)，排列時每個隔約1吋闊，在蝴蝶酥底面掃上牛油溶液。
8. 放入已預熱的焗爐以180度焗25分鐘，最後5至8分鐘反另一面焗至兩面金黃色。
9. 取出待涼備用。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://sweetheartkitchen.com/recipes/palmiers/

紫心蕃薯饅頭

如能馴服深紫色愛恨。對於紫色的迷戀由自己的名字開始。可紫心蕃薯不易買到，能夠入手，當然用盡食材弄出美味饅頭。淡淡的紫心蕃薯香，不加煉奶更能感受箇中清甜。

材料︰
‧麪粉……200g
‧泡打粉……1/2茶匙
‧無鹽牛油……1茶匙
‧砂糖……30g
‧乾酵母……1/2茶匙
‧暖水……100mL
‧紫心蕃薯茸……80g

做法︰

1. 紫心蕃薯隔水蒸熟，待涼壓成茸備用。
2. 將麪粉、泡打粉先過篩，放入大盆內。
3. 將乾酵母加入暖水中拌勻，放置10分鐘。
4. 將砂糖、酵母水、無鹽牛油加入(2.)內拌勻及搓至光滑。
5. 用保鮮紙蓋好麪糰，放室溫發酵20分鐘。
6. 將麪糰取出平均分成2份，其中1份加入紫心蕃薯茸搓勻，將2份麪糰用麪粉棍輾成10吋 x 6吋的長方形，然後將2塊麪皮疊起，再慢慢由上而下捲成圓條形，收口壓實。
7. 用膠刮將麪條分割成5份 (頭尾切掉)，底墊上牛油紙，放入蒸籠內進行最後發酵 (置於溫暖處將約20至30分鐘)。
8. 將已發酵的饅頭放入蒸籠內，大火蒸約8分鐘即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
《我愛手工麪包》；韋太編著；萬里機構‧飲食天地版社；ISBN︰9789621448842

鮮果酥皮盒

食物本來就有很多繽紛的顏色。加點心思，多點創意，你也能拼出多彩滋味。

材料︰
(酥皮盒)
‧急凍酥皮……1塊
‧雞蛋……1隻

(吉士醬)
‧蛋黃……2個
‧糖……45克
‧粟粉……1湯匙
‧麪粉……1湯匙
‧牛奶……200毫升

(餡料)
‧奇異果……適量
‧桃……適量
‧藍莓……適量
‧士多啤梨……適量
‧糖霜……適量

做法︰
(吉士醬)

1. 蛋黃和糖放在大盤中打勻，加入粟粉和麪粉拌勻。
2. 牛奶放小鍋中煮至將滾 (冒煙並起小泡)，熄火，倒入蛋黃麪糊中，邊倒邊攪拌。
3. 將蛋奶糊倒回小鍋中，開細火，邊煮邊攪拌，直至變濃稠即成。

(酥皮盒)

1. 將酴皮解凍。
2. 在酥皮上裁出4個正方形。
3. 將其中2塊正方形酥皮垂直切開4份。
4. 在正方形酥皮塗上蛋漿，將酥皮條放上正方形酥皮上，再塗上蛋漿放15分鐘。
5. 放入已預熱至200度的焗爐焗15至20分鐘。
6. 於酥皮盒內注入吉士醬，再放上不同的水果。
7. 灑上糖霜裝飾。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://hk.promotion.yahoo.net/cooking/2013052412587/
http://www.wretch.cc/blog/MrsBlackCat/23768669

芒果酥皮拿破崙

芒果粒可以換成士多啤梨粒，搓水油皮其實好煩。如果怕麻煩，買現成酥皮其實都可以，慳番少少時間，一樣可以食出好滋味。

材料︰
(酥皮……油皮)
‧牛油……100g
‧低筋麪粉……40g

(酥皮……水皮)
‧低筋麪粉……60g
‧油……10g
‧水……20至30g

(吉士醬)
‧蛋黃……2個
‧糖……45克
‧粟粉……1湯匙
‧麪粉……1湯匙
‧牛奶……200毫升

‧芒果……1個

做法︰
(酥皮)

1. 將油皮材料攪拌成麪糰，放入雪櫃一陣備用。
2. 將水皮材料攪拌成粉糰。
3. 壓薄牛油皮，包住水皮，摺疊成3份。
4. 將皮壓薄，摺疊成4份。
5. 重複步驟(4.)
6. 用叉在皮上打小孔，鋪平在焗盤內，15分鐘後放入已預熱至180度的焗爐，焗約25分鐘至金黃色。

(吉士醬)

1. 蛋黃和糖放在大盤中打勻，加入粟粉和麪粉拌勻。
2. 牛奶放小鍋中煮至將滾 (冒煙並起小泡)，熄火，倒入蛋黃麪糊中，邊倒邊攪拌。
3. 將蛋奶糊倒回小鍋中，開細火，邊煮邊攪拌，直至變濃稠即成。

(拿破崙)

1. 芒果去皮切粒。
2. 吉士醬入唧袋，於一層酥皮上唧吉士醬，再鋪上芒果粒。
3. 重複步驟(2.)，頂層放一層酥皮，撒上糖霜，即成。

比個LIKE我LIKE你︰
https://www.facebook.com/chengtszyingcooking

呢個食譜黎自︰
http://www.rthk.org.hk/elearning/dessert/cake_mangomf.htm
http://www.wretch.cc/blog/MrsBlackCat/23768669